കാട്ടുചെമ്പകം

സുഗന്ധമുള്ള പൂവുണ്ടാകുന്ന ഒരു മരമാണ് ഈലാങ്ങ് ഈലാങ്ങ് (ylang-ylang). ശാസ്ത്രനാമം : Cananga odorata. കാട്ടുചെമ്പകം, കനകചെമ്പകം, മദനകാമേശ്വരി എന്നീ പേരുകളിലും അറിയപ്പെടുന്നു. പൂക്കൾക്ക് പച്ച കലർന്ന മഞ്ഞനിറമാണ്. ചെമ്പകത്തിന്റെ പൂക്കളോട് സാമ്യമുള്ള ഈ സസ്യത്തിന്റെ പ്രധാന ആകർഷണം സുഗന്ധമുള്ള പൂവ് തന്നെ. പൂക്കൾ വാറ്റി സുഗന്ധതൈലങ്ങൾ ഉൽപാദിപ്പിച്ചുവരുന്നു. നിത്യ ഹരിതവനങ്ങളിലെ വൃക്ഷങ്ങളുടെ കൂട്ടത്തിൽ പെടുന്ന ഈ സസ്യം സാമാന്യം നല്ല വലിപ്പമുള്ള മരമായി വളരുന്നവയാണ്. പൂക്കൾ ആയുർവേദത്തിൽ ഔഷധമായി ഉപയോഗിക്കുന്നു.

ഔഷധ യോഗങ്ങൾ

അരോമാതെറാപ്പിയിൽ അവശ്യ എണ്ണ ഉപയോഗിക്കുന്നു. ഇത് ഉയർന്ന രക്തസമ്മർദ്ദം ഒഴിവാക്കുകയും ചർമ്മപ്രശ്നങ്ങൾക്ക് പരിഹാരമാണെന്നും വിശ്വസിക്കപ്പെടുന്നു. ഓറിയന്റൽ- അല്ലെങ്കിൽ ഫ്ലോറൽ-തീം പെർഫ്യൂമുകൾക്കായി (ചാനൽ നമ്പർ 5 പോലുള്ളവ) സുഗന്ധദ്രവ്യങ്ങളിൽ യാലംഗ്-യെലാംഗ്- ൽ നിന്നുള്ള എണ്ണ വ്യാപകമായി ഉപയോഗിക്കുന്നു. യാലംഗ്-യെലാംഗ് മിക്ക പുഷ്പ, പഴം, മരം സുഗന്ധങ്ങളുമായി നന്നായി യോജിക്കുന്നു.