കാക്കത്തുടലി

ഇന്ത്യയിലുടനീളം കാണപ്പെടുന്നതും പടർന്നു വളരുന്ന ഒരു വലിയകുറ്റിച്ചെടിയോ, ചെറിയ മരമായോ വളരുന്ന ഒരു സസ്യമാണ് കാക്കത്തുടലി അഥവാ മുളകുതാന്നി ശാസ്ത്രീയ നാമം : Toddalia asiatica. സംസ്കൃതത്തിൽ ദാസി എന്നാണ് പേര്.

ഈ സസ്യത്തിൽ നിറയെ മുള്ളുകൾ കാണപ്പെടുന്നു .സസ്യത്തിന്റെ പുറംതൊലിയ്ക്ക് തവിട്ടുനിറമാണ്. ഇതിലെ ഇലകൾ നല്ല പച്ച നിറത്തിലുള്ളതാണ്. ഇതിന് തുകൽ പോലെ കട്ടിയും നല്ല മിനുസവുമുണ്ട്. ശിഖരാഗ്രത്തിലോ, പ്രതകത്തിലോ, പൂക്കൾ ഉണ്ടാകുന്നു. ഇതിന് പച്ചകലർന്ന മഞ്ഞ നിറമാണ്. ഇതിലെ ഫലങ്ങൾ കുരുമുളകുപോലെ ഉരുണ്ടതാണ്. ഇവ പഴുക്കുമ്പോൾ മഞ്ഞനിറമാണ്. ഓരോഫലത്തിലും ധാരാളം വിത്തുകൾ കാണപ്പെടുന്നു. ഇവ വഴുവഴുപ്പുള്ള ഒരുപദാർത്ഥം കൊണ്ട് പൊതിഞ്ഞിരിക്കും.

ഔഷധ യോഗങ്ങൾ

വാതസംബന്ധമായ സന്ധിവാതം, ഉളുക്ക്, മസ്തിഷ്കാഘാതം, ഇൻ്റർകോസ്റ്റൽ ന്യൂറൽജിയ, ചുമ, മലേറിയ, അതിസാരം, വിഷപ്പാമ്പുകടി, ഓക്കാനം, ബ്രോങ്കൈറ്റിസ്, മുറിവുകൾ, മലിനമായ അൾസർ, അപസ്മാരം, ഗൊണോറിയ, പൊതു ബലഹീനത എന്നിവയ്ക്ക് കാക്കത്തുടലി ഔഷധ സസ്യമാണ്.