പെരുംനിരൂരി

മലേഷ്യയിലെ തദ്ദേശവാസിയായ ഒരു സസ്യമാവും എന്നാൽ ഇന്ത്യയിൽ വളരുന്നതുമായ സസ്യമാണ് പെരുംനിരൂരി (ശാസ്ത്രീയനാമം: Breynia retusa). 2 മീറ്റർ നീളമുള്ള ഒരു ചെറിയ കുറ്റിച്ചെടിയാണിത്, ശാഖകൾ പരന്നുകിടക്കുന്നു. 1മുതൽ 3 സെൻ്റീമീറ്റർ നീളമുള്ള, മാറിമാറി വിന്യസിച്ചിരിക്കുന്ന ഇലകൾ, വൃത്താകൃതിയിലുള്ള അറ്റത്തോടുകൂടിയ, വീതിയേറിയ ദീർഘവൃത്താകൃതിയിലാണ്. ഒരു കപ്പ് പോലെയോ തോന്നിക്കുന്ന പഴമാണ് ഇതിൻ്റെ ശ്രദ്ധേയമായ സവിശേഷത. പൂവ്  ഇടുന്നതു ഫെബ്രുവരി മുതൽ ഡിസംബർ മാസം വരെ ആണ്. ഫിനോളിക്സിൽ സമ്പന്നമായ ഈ ചെടിക്ക് ആൻ്റിഓക്‌സിഡൻ്റും ആൻറി ഡയബറ്റിക് ഫലവുമുണ്ട്. പെരുംനിരൂരി നിലവിൽ ഗുരുതരമായ വംശനാശഭീഷണി നേരിടുന്നതായി പട്ടികപ്പെടുത്തിയിട്ടുണ്ട്. പലവിധ ഔഷധഗുണങ്ങളുള്ള സസ്യമാണിത്.

ഔഷധ യോഗങ്ങൾ

പെരുംനിരൂരിയുടെ പുറംതൊലി നാഡീവ്യവസ്ഥയുടെ രോഗങ്ങൾ, നീർവീക്കം, രക്ത വൈകല്യങ്ങൾ എന്നിവ ചികിത്സിക്കാൻ ആയുർവേദത്തിൽ ഉപയോഗിക്കുന്നു. ഈ സസ്യത്തിന്റ പഴങ്ങളും ചില്ലകളും യഥാക്രമം വയറിളക്കം, പല്ലുവേദന എന്നിവ ചികിത്സിക്കാൻ ഉപയോഗിക്കുന്നു.