കുടകപ്പാല

ഔഷധയോഗ്യമായ ചെറിയ വൃക്ഷമാണ്‌ കുടകപ്പാല (ശാസ്ത്രീയനാമം:Holarrhena pubescens). ഇത് 10 മീറ്റർ വരെ ഉയരത്തിൽ വളരുന്നു. ചെറിയ തണ്ടിന് ഇളം പുറംതൊലിയും നിരവധി ശാഖകളുമുണ്ട്.

നേർത്ത സുഗന്ധമുള്ള പൂക്കൾ കുലകളായി മാർച്ച് കാലത്ത് ഉണ്ടാകുന്നു. പാൽ നിറത്തിൽ കറയുള്ള ചെടിയാണ്‌ ഇത്. ഇതിന്റെ ഇലകൾ സമ്മുഖമായി വിന്യസിച്ചിരിക്കുന്നു. ചെറിയ ഇല ഞെട്ടിൽ 10-30 സെന്റീമീറ്റർ വരെ നീളമുള്ള ഇലകൾക്ക് വൃത്താകാരമാണുള്ളത്. പൂക്കൾക്ക് 2-3 സെൻ്റീമീറ്റർ നീളമുള്ള അഞ്ച് വെളുത്ത ദളങ്ങളുണ്ട്, അവ പ്രായമാകുമ്പോൾ ക്രീം മഞ്ഞയായി മാറുന്നു.

ഔഷധ യോഗങ്ങൾ

അതിസാരത്തിനുള്ള ഔഷധമായി ആയുർവേദത്തിൽ ഉപയോഗിക്കുന്നു. തൊലി, വിത്ത് എന്നിവയാണ്‌ ഔഷധയോഗ്യമായി  ഉപയോഗിക്കുന്നു. അമീബിക് വയറുകടിയ്ക്കും അതിസാരത്തിനും നല്ല മരുന്നാണ്. അർശ്ശസ്സ്, രക്തപിത്തം, കുഷ്ടം, ഛർദ്ദി, വയറുവേദന എന്നീ രോഗങ്ങൾക്ക് നല്ല മരുന്നാണ്. ആയുർവേദം അനുസരിച്ച്, പൈൽസ്, ത്വക്ക് രോഗങ്ങൾ, പിത്തം എന്നിവയുടെ ചികിത്സയ്ക്ക് പുറംതൊലി ഉപയോഗപ്രദമാണ്.