മൾബറി

മൊറേസി കുടുംബത്തിലെ ചെറുതും ഇടത്തരവുമായ 10 ഇനം മരങ്ങളും അവയുടെ മധുരമുള്ള ഭക്ഷ്യയോഗ്യമായ പഴങ്ങളും (ശാസ്ത്രീയനാമം: Morus alba Linn).  മൾബറിയുടെ ജന്മദേശം മിതശീതോഷ്ണ ഏഷ്യയിലും വടക്കേ അമേരിക്കയിലും ആണ്, കൂടാതെ പല ഇനങ്ങളും അവയുടെ പഴങ്ങൾക്കും അലങ്കാരങ്ങളായും കൃഷി ചെയ്യുന്നു. പട്ടുനൂൽപ്പുഴുക്കളുടെ ഭക്ഷണമെന്ന നിലയിലും മൾബറി ചെടികൾ പ്രധാനമാണ്.

നൂറ്റൻപതോളം ഇനങ്ങൾ ഉണ്ടെങ്കിലും പത്തോ പന്ത്രണ്ടോ ഇനങ്ങൾ മൾബറി മാത്രമേ കൃഷി ചെയ്യുന്നുള്ളു.

ഔഷധ യോഗങ്ങൾ

പതിവായി മിതമായ അളവിൽ മൾബറി പഴം കഴിക്കുന്നത് വയറിന് വളരെ നല്ലതാണ്. ഇത് ദഹനേന്ദ്രിയ വ്യവസ്ഥയെ ആരോഗ്യത്തോടെ നിലനിർത്തുന്നു. മൾബറിയിലടങ്ങിയ ഭക്ഷ്യ നാരുകൾ (Dietary Fiber) ആണിതിനു പിന്നിൽ. മൾബറിയിലെ കാർബോഹൈഡ്രേറ്റുകൾ പഞ്ചസാരയെ ഗ്ലൂക്കോസാക്കി മാറ്റുകയും അതുവഴി കോശങ്ങൾക്ക് ഊർജം നൽകുകയും ചെയ്യുന്നു. മൾബറി കഴിക്കുന്നത് നിങ്ങളുടെ ഇരുമ്പിൻ്റെ അളവ് വർദ്ധിപ്പിക്കുകയും നിങ്ങളുടെ ടിഷ്യൂകൾക്ക് ആവശ്യമായ ഓക്സിജൻ നൽകുകയും ചെയ്യുന്നു.

ഒരു തവണ മള്‍ബറി കഴിക്കുമ്പോൾ തന്നെ ദിവസവും ആവശ്യമുള്ള ഭക്ഷ്യനാരുകളുടെ പത്തു ശതമാനം ലഭിക്കുന്നു. മലബന്ധം അകറ്റുന്നു. കൂടാതെ ഈ ഭക്ഷ്യ നാരുകൾ കൊളസ്ട്രോൾ നില നിയന്ത്രിക്കുകയും അങ്ങനെ ഹൃദയാരോഗ്യം ഏകുകയും ചെയ്യുന്നു.