വള്ളിമുത്തങ്ങ, പാൽനിർവ്വശി

സൈപറേസീ സസ്യകുടുംബത്തിലെ അംഗമാണ് വള്ളിമുത്തങ്ങ. (ശാസ്ത്രീയനാമം: Kyllinga nemoralis) ഇന്ത്യയിലുടനീളമുള്ള വീട്ടുമുറ്റങ്ങളിലും തുറസ്സായ സ്ഥലങ്ങളിലും പുൽമേടുകളിലും കൃഷിഭൂമിയിലും പാതയോരങ്ങളിലും വളരെ സാധാരണയായി കാണപ്പെടുന്ന ഒരു ചെറിയ കൂട്ടം കാട്ടുചെടിയാണ് വള്ളിമുത്തങ്ങ. കുത്തനെ വളരുന്ന ഈ ചെടിക്ക് നീളമുള്ള ചെറിയ കിഴങ്ങുകളുണ്ട്. 55 സെമീ വരെ വളരുന്ന തണ്ടുകൾക്ക് മൂന്ന് അരികുകൾ ഉണ്ട്. ഇലകൾ നീണ്ട് അറ്റം കൂർത്തവയാണ്. തണ്ടിന്റെ അറ്റത്ത് ഉരുണ്ട പൂങ്കുലകളിൽ വിരിയുന്ന പൂവുകൾക്ക് വെളുപ്പ് നിറമാണ്.

വളരെ കഠിനമായാ വരൾച്ച, കനത്ത മഴ, മണ്ണൊലിപ്പ്, കാലാവസ്ഥാ വ്യതിയാനങ്ങൾ എന്നിവയെ അതിജീവിക്കാൻ കഴിവുള്ളവയുമാണ്. അവയുടെ നീണ്ടു പരന്നുകിടക്കുന്ന വേരുകൾ മണ്ണിനെ ഒന്നിച്ചു നിർത്താൻ സഹായിക്കുന്നു,

ഔഷധ യോഗങ്ങൾ

പരമ്പരാഗത നാടോടി വൈദ്യത്തിൽ പല രോഗങ്ങൾക്കും വൈകല്യങ്ങൾക്കും ചികിത്സിക്കാൻ ഉപയോഗിക്കുന്നു. ചെടിയുടെ ഇലകൾ ആൻ്റിവെനമായി ഉപയോഗിക്കുന്നു, മലേറിയ വിറയൽ, ചർമ്മത്തിലെ ചൊറിച്ചിൽ, പനി മൂലമുള്ള ദാഹം എന്നിവ ഒഴിവാക്കാൻ ഇലകൾ പരമ്പരാഗതമായി ഉപയോഗിക്കുന്നു. ഇന്ത്യയിൽ പാമ്പ് വിഷബാധയ്ക്ക് ഇലകൾ ആൻറി വെനമായി ഉപയോഗിക്കുന്നു. എന്നിരുന്നാലും, ചെടിയുടെ പ്രവർത്തനരീതി വിഷത്തിൻ്റെ പ്രവർത്തനത്തെ നേരിട്ട് തടയുകയല്ല.