പവിഴമുല്ല

ബഹുവർഷിയായ വലിയൊരു കുറ്റിച്ചെടിയാണ് വിടരാപ്പൂവ് അഥവാ പവിഴമുല്ല (ശാസ്ത്രീയനാമം: Hamelia patens). 10 മുതൽ 15 അടി വരെ ഉയരത്തിലും ആറടി മുതൽ 8 അടി വരെ വീതിയിലും ഈ സസ്യംവളരുന്നു. ഈ സസ്യത്തിന് ഏതു തീവ്രമായ വേനലിനെയും  തരണം ചെയ്യാനുള്ള ശക്തിയുണ്ട് വിടാരാതെ നിൽക്കുന്നതു പോലെയുള്ള പൂക്കളിൽ പരാഗണം നടത്തുന്നത് ഹമ്മിംഗ്‌ബേഡുകളും പൂമ്പാറ്റകളുമാണ്. ചെറിയ തവിട്ടുനിറത്തിലുള്ള പഴങ്ങൾ പാകമാകുമ്പോൾ കറുത്തനിറമാകുന്നു.

ഔഷധ യോഗങ്ങൾ

നാട്ടുവൈദ്യത്തിൽ വിവിധ രോഗങ്ങൾക്ക് സസ്യങ്ങൾ ഉപയോഗിക്കുന്നു. ത്വക്ക് ക്ഷതം, പ്രാണികളുടെ കടി, നാഡീവ്യൂഹം, വീക്കം, വാതം, തലവേദന, ആസ്ത്മ, ഛർദ്ദി എന്നിവ ചികിത്സിക്കാൻ ഈ സസ്യമുപയോഗിക്കുന്നു. ക്ഷീണം, വയറിളക്കം, പനി എന്നിവയുൾപ്പെടെയുള്ള വിവിധ രോഗങ്ങൾക്ക് ചികിത്സിക്കാൻ പരമ്പരാഗത വൈദ്യത്തിൽ പവിഴമുല്ല അഥവാ വിടരാപ്പൂവ് ഇലകൾ ഉപയോഗിക്കുന്നു.  വയറുവേദനയ്ക്കുള്ള ആൻ്റിസ്പാസ്മോഡിക് ആയി വിടരാപ്പൂവ് ഉപയോഗിക്കുന്നു. ചെടിയുടെ വേരുകൾ അൾസർ, ഗ്യാസ് വേദന എന്നിവ ചികിത്സിക്കാൻ ഉപയോഗിക്കുന്നു. എക്സിമ, മുഖക്കുരു, സോറിയാസിസ് തുടങ്ങിയ ത്വക്ക് അവസ്ഥകളെ ചികിത്സിക്കുന്നതിനു പുറമേ, വേദനയ്ക്കും വീക്കത്തിനുമുള്ള ഒരു ഔഷധമായി ഇത് ഉപയോഗിക്കുന്നു.