സൗഹൃദ ചീര

ഏത് കാലാവസ്ഥയിലും വളരുന്ന വളരെയധികം ഔഷധമൂല്യവും വിറ്റാമിനുകളും, പ്രോട്ടീനുകളും അടങ്ങിയ സസ്യമാണ് സൗഹൃദ ചീര (ശാസ്ത്രീയനാമം: Pisonia alba).  വിവിധ വര്‍ണങ്ങളില്‍ ഇലകളോടുകൂടിയ സൗഹൃദചീര ഉയര്‍ന്ന ഔഷധമൂല്യമുളളതും സ്വാദിഷ്ടമായ വിഭവങ്ങള്‍ക്ക് ഉത്തമ ചേരുവയുമാണ്.

സൗഹൃദ ചീര ഒരു ചെറിയ, നിത്യഹരിത സസ്യവൃക്ഷമാണ് അല്ലെങ്കിൽ ഒരു വലിയ കുറ്റിച്ചെടിയാണ്. ഇത് നാല് മുതൽ ഏഴ് മീറ്റർ വരെ ഉയരത്തിൽ എത്തുന്നു. ഇളം പച്ച നിറത്തിലുള്ള ഇലകൾ നീളവും കൂർത്തതും ഏകദേശം 10-12 ഇഞ്ച് നീളമുള്ളതുമാണ്. നല്ല സൂര്യപ്രകാശത്തിൽ നട്ടുപിടിപ്പിച്ച ഇലകൾക്ക് ഇളം മഞ്ഞ നിറം ലഭിക്കും, അത് മനോഹരവും അസാധാരണവുമാണ്. ഏത് മണ്ണിലും ഈ ചെടി നന്നായി വളരുന്നു, പക്ഷേ ഒരു കടൽച്ചെടിയായതിനാൽ ഇത് മണൽ മണ്ണിന് മുൻഗണന നൽകുന്നു. മണലിൽ എളുപ്പത്തിൽ വേരുപിടിക്കുന്ന കമ്പു നാട്ടു പിടിപ്പിച്ചാണ് ഇത് പ്രചരിപ്പിക്കുന്നത്. മരം അപൂർവ്വമായി പൂക്കുന്നു. പൂക്കൾ ചെറുതും പച്ചയും ആണ്.

ഔഷധ യോഗങ്ങൾ

ഈ ചെടിയുടെ ഇല, തണ്ട്, വേര് എന്നിവ ആദിവാസി സമൂഹം പരമ്പരാഗത മരുന്ന് നിര്‍മാണത്തിന് ഉപയോഗിച്ചിരുന്നു. സൗഹൃദചീരയുടെ നിത്യോപയോഗം പ്രമേഹം, വാതം, മന്ത് തുടങ്ങിയ രോഗങ്ങളെ പ്രതിരോധിക്കുകയും അന്നനാളത്തിലും അനുബന്ധഭാഗങ്ങളിലുമുളള രോഗങ്ങള്‍ക്ക് ഔഷധമായി പ്രവര്‍ത്തിക്കുകയും ചെയ്യുന്നു എന്ന് കണ്ടെത്തിയിട്ടുണ്ട്. ഈ ചെടി നല്ല ഒരു ആന്റീഡയബറ്റിക്കും സ്റ്റിമുലേഷന്‍ ഏജന്റും ആണെന്നും ബ്ലഡ്ഷുഗര്‍ കുറയ്ക്കാന്‍ സഹായിക്കുന്നുവെന്നും വിദഗ്ധര്‍ പറയുന്നു. വാതസംബന്ധമായ രോഗങ്ങള്‍ക്ക് നല്ലൊരു പ്രതിരോധ മരുന്നായി ഈ ചെടിയെ ഉപയോഗിക്കുന്നുണ്ട്. നിത്യോപയോഗത്തിലൂടെ ശരീരഭാഗങ്ങളുടെ ചലനശേഷി നഷ്ടപ്പെടുന്നത് തടയാം എന്നും കരുതപ്പെടുന്നു.